Tu gde so bukve do neba zrasle,

gde v jesen grozdje najlepše diši,

Tu spod Prkosa i Trejo kraljov

moj gizdavi Novigrad stoji.

Smestil se je lepo dole ispod goric

kagda Podravini vu krilu sedi.

A dalje spred njega polja obdelana

gde se žmeko klasje kak zlato zlati.

Vu njemu je cirkva do neba visoka.

S turnjom svojem zvezdice dosiže.

Tu vu parke igrajo se deca,

to so lepe i gizdave iže.

Dok zaran se s cirkve zvono javi

svojom pesmom dušu razgali.

Za življenje žmeko novu snagu daje

i novom se dnevu saki veseli.

I nikaj na svetu za nas žmeko neje.

Tu delajo ljudi od ranja do noči,

makar vrelo sunce preveč z neba peče

i znoji nam slani zalevajo joči.

Znali so se z nas i norca delati,

da smo škrti ljudi zlobniki so rekli.

Al’ mi nesmo škrti samo jako šparni,

jer se kaj imamo svojemi smo žulji

i s poštenjem stekli.

Komarnica draga čez Novigrad teče,

navek lepa, mlada kak dekla zgledi.

Stija, stija s pod mosta preteče

kagda ji se v Dravu ne žuri.

A pod jalsu dok kraj nje si sednem,

ja ju slušam dok mi šepče stija

o Komarni, o žmekom življenju

i hrabri vojski kneza Velimira.

Novigradski sini za sudbinom svojom

znali so otiti čak i vu svet beli.

Al’ dok život svojem primeknol se kraju

pri sveti so Klari počinoti šteli.

To prelepo selo srcem mi se zraslo

i kam god da pojdem sigde se ž njim štimam.

Sakomu na svetu navek morem reči,

ja najlepše selo v Podravini imam.